Actualidá

L’esperáu documentu pa entamar l’espediente del Plan de Víes yá ta termináu y recomienda Moreda como meyor opción pa la estación. El Ministeriu pa la Transición Ecolóxica y el Retu Demográficu yá unvió la declaración d’impautu ambiental al BOE pa la so espublización, pasu necesariu pa la reactivación del proyeutu.

El llateral del Palaciu de Deportes torna a llucir los dos topónimos oficiales de la ciudá, 'Xixón' y 'Gijón'. El pabellón principal del conceyu asitió una de les llones coloraes col logu 'Gijón' na parte superior, dexando espaciu pa colocar otra blanca col de 'Xixón' na parte baxa de la grada, na ‘u’ televisiva, ganando asina visibilidá.

Un techu cayó mientres unes obres nel colexu asitiáu frente a La Playa San Llorienzo.

La traxedia tomó Xixón nun día tan señaláu como la viéspora de Reis. Al rodiu les 11.30 hores esbarrumbaba'l techu d'una estancia del pisu superior del edificiu del San Vicente afeutando a los cuatro trabayadores que taben con una obra menor.

Munchos neños y mayores yá nun pueden tar quietos de los nervios. Esti miércoles 5 de xineru Melchor, Gaspar y Baltasar, los trés Reis Magos, visiten Xixón, con llegada pela mañana a El Muelle pa preparase pa la cabalgata de la tarde y una llarga nueche d’entrega de regalos.

El PSOE, col apoyu de Xixón pela Izquierda (IX-IAS) y l’astención de Podemos-EQUO, sacó alantre’l Presupuestu municipal pal 2022, el más altu de la historia del conceyu. L’alcuerdu pa destinar 1,7 millones pal programa nomáu Xixón Social p’ayudar a families necesitaes, clave.

La Navidá xixonesa arrequexa'l topónimu tradicional. La portada del programa festivu pa estes feches presenta namái’l nome ‘Gijón’, a diferencia del añu pasáu cuando usaba la forma billingüe, un escaezu de ‘Xixón’ que se ta viendo n'otros espacios del conceyu.

La xunta de gobiernu yá aprobó’l proyeutu de presupuestos pal 2022 depués del retrasu que provocó la sentencia del Constitucional de la plusvalía. Sicasí, caltiénse la votación nel Plenu del día 22 d’avientu, con plazu d’enmiendes a les cuentes hasta’l 9.

Llevaba seis años inactiva y presenta un aspeutu renováu dafechu.

La propuesta nueva d’ociu cultural y educativu dirixida a neños y neñes de 4 a 12 años, ‘Esparciendo Cultura por Xixón’, presenta 29 actividaes a celebrar ente payares y avientu, nenguna d’elles n’asturianu. Esta iniciativa entámase llueu de la polémica creada por una supuesta imposición del idioma pola celebración d’un cuentacuentos nel Botánicu.

El Conseyu de Ministros dio’l preste al Impuestu sobre l’Incrementu de Valor de los Terrenos de Naturaleza Urbana nuevu, conocíu como la plusvalía, que sustitúi al anterior valtáu pol Tribunal Constitucional. Esti pasu permite al equipu de gobiernu a retomar el trámite p’aprobar el presupuestu municipal del 2022, evitando la prórroga.