La tasa de basura va ser l'únicu impuestu que medre nel 2024
|
27 Ochobre, 2023 por Redacción
- Log in to post comments
La Comisión de Facienda aprobó l'anteproyeutu de modificación de les ordenances fiscales.
La situación de la Empresa Municipal de Servicios de Mediu Ambiente Urbanu de Xixón (EMULSA) lleva a los partíos a xubir les tases de basura. Toles formaciones, cola esceición de VOX, que nun acudió al conceyu del miércoles, dieron el preste a la midida, que va suponer 1,75 euros más al mes por llar y de 4,3 a empreses al bimestre, esto ye, un aumentu del 30 por cientu añal.
El restu de tributos queden conxelaos al nun salir alantre nenguna de les enmiendes de la oposición, dalgunes con empate, polo que tuvo qu'aplicase'l votu de calidá de la presidenta María Mitre. Los alcuerdos de la Comisión de Facienda han ratificase agora nel Plenu de payares.
