Deportes

Deportes

Los abonaos del Sporting pagarán 15 euros pa ver el partíu de Copa col Valencia

Na tarde del xueves van ponese a la venta les entraes pal partíu d’ida de los octavos de final de la Copa qu’enfrenta al Sporting col Valencia de Marcelino, programáu pal martes a les 21.30 hores. Los abonaos han de pagar un suplementu 15 euros, mentes que pal públicu xeneral el preciu va ente los 25 y 40 euros.

Baraja pierde'l derbi (2-1) y el cargu d'entrenador

José Alberto López ye dende esti llunes entrenador nuevu del Sporting tres l'anuncia del cese de Baraja fecha'l domingu dende'l club. La derrota nel derbi col Uviéu tres otru deceicionantes partíu del equipu terminó por condenar al téunicu castellanu.

El Sporting enfrenta'l derbi cola necesidá de ganar

Rubén Baraja xuégase'l puestu esti sábadu nel derbi. El Sporting viaxa al Carlos Tartiere cola necesidá imperiosa de ganar fuera de casa y énte l'eternu rival pa dar un xiru de 180 graos na so trayeutoria y evitar mirar hacia abaxo na clasificación de Segunda.

Recuerdos d'un pasáu gloriosu

La mayor parte de los componentes de la plantiya que compitió col Sporting per primer vegada n'Europa recibió un candial homenaxe de l'afición. Mientres la fin de selmana los Doria, Joaquín, Ferrero, Cundi o Rezza, xunto col téunicu Miera, participaron en dellos actos en recuerdu al cuarentenu aniversariu del Sporting-Torino.

Homenaxe Sporting-Torino

L’históricu Eurosporting cumple 40 años

El 13 de setiembre del 1978 el Sporting debutaba en competiciones europees enfrentándose n’El Molinón al Torino nuna eliminatoria de la estinta Copa UEFA. Sería la primera de les seis participaciones del club roxiblancu, qu’esta fin de selmana va homenaxar a esa plantiya.

El Sporting nun tira a puerta en Riazor

Baraja foi a por un puntu a A Coruña y tornó ensin nengún por un gol del Deportivo nel 93.

El Sporting finó'l so compromisu lligueru en Riazor ensin disparar a puerta, un datu que nin los más vieyos del llugar recuerden. Amás, pagó cara la so falta d'ambición al perder el puntu pol que lluchó nel campu coruñés al ver como'l central Pablo Marí remataba ensin oposición un centru dende la derecha na que se presumía como xugada cabera del partíu.

Sporting 2-0 Nàstic (26 d'agostu del 2018)

El Sporting da una allegría a l'afición nel so debut como llocal

Venció con superioridá al Nàstic por 2-0 con tantos de Hernán y Lod, ún en cada parte.

La primer victoria de la temporada llegó nel primer partíu n'El Molinón del Sporting. Los de Rubén 'Pipo' Baraja, que rescataron nel aliendu últimu un empate n'Alcorcón depués d'un mal partíu, dieron otra imaxe énte'l conxuntu de Tarragona, a lo que contribuyó la llegada de refuercios como l'estremu Álvaro Jiménez y el delanteru serbiu Uroš Đurđević, fichaxe más caru de la historia del club xixonés al superar los 2 millones d'euros la operación col Olympiacos.

Sousa rescata un puntu na xugada cabera

Un Sporting en construcción, que se refuerza col llateral izquierdu Javi Noblejas, empató a un gol col Alcorcón nun partíu aburríu.

Los de Rubén Baraja igualaron un choque llamáu a finar ensin goles que namái destacó polos dos tantos de guapa execución que llevaron el nome d'Álvaro Peña y Sousa. El del portugués, que salió dende'l bancu, llegó nel aliendu últimu, cuando l'árbitru disponíase a pitar el final del choque.

El balón yá cuerre na Escuela de Mareo

El Sporting comenzó los entrenamientos coles ausencies d'Isma López y Carlos Castro.

Les pruebes médiques del llunes y ayeri dieron paso güei al trabayu físicu y téunicu de la pretemporada del club xixonés, que va buscar el saltu de categoría que dexó escapar la campaña pasada nes eliminatories pol ascensu contra'l Valladolid. La única cara nueva, amás de los futbolista procedentes del filial, foi'l mediu portugués André Sousa, ex internacional sub-21 que llega a Xixón cedíu pol Os Belenenses.

Pages