Deportes

Deportes

Tenis adaptáu

L'UC Ceares entama unes xornaes de deporte inclusivu pa da-y visibilización

Lleven el nome de 'Sin límite' y inclúi dende talleres a exhibiciones de delles modalidaes.

L'Área Social del UC Ceares entama estes xornaes güei y el sábadu. La primer actividá va desendolcase nel Centru Municipal Integráu d'El Coto a les 20 hores y va consistir nun alderique moderáu pol comentarista deportivu de RPA Fernando García de Dios con representantes d'AsturGoalBall (fútbol pa persones invidentes), CD Samo (club de fútbol d'usuarios de salú mental), Blind Tennis (tenis pa invidentes) y taekwondu y yudu adaptaos.

Estrozos de l'afición del Uviéu n'El Molinón

La decisión del Uviéu de frayar rellaciones sorprende al Sporting

El club xixonés esparde un videu colos estrozos provocaos polos aficionaos azules n'El Molinón mientres el derbi asturianu.

Sporting 1-0 Uviéu (25 de marzu del 2019) xuegu

El Sporting esta vegada sí se presentó al derbi

El Molinón vivió esti domingu una fiesta tres la victoria del Sporting nel derbi por 1-0 al Uviéu gracies a un tantu en propia puerta de Christian Fernández. A diferencia del partíu del Tartiere, que provocó la destitución de Baraja al cayer por 2-1, los de José Alberto compitieron dende'l primer minutu hasta'l final y sumaron el so cuartu trunfu siguíu a les puertes del tramu decisivu.

Manolo sustitúi a Isma al frente del Sporting B

El direutor de Mareo torna al bancu.

El Sporting fixo güei oficial la destitución d'Ismael Piñera 'Isma' como entrenador del filial depués de la mala racha de resultaos que lleva'l segundu equipu tres el salto de José Alberto al primer equipu en sustitución de Baraja. Foi na xornada 14 cuando l'ex central garró'l B colos roxiblancos quintos empataos a 23 puntos col Mirandés, cuartu, dexándolu agora decimoterceru con 32.

Telecable Xixón campeón de Copa

¡La cuarta!

El Telecable suma y sigue. L'equipu de La Calzada de ḥoquei sobre patinos femenín consiguió esti domingu en Reus la Copa, la cuarta de la so historia, tres superar na fase final de la competición celebrada en Reus ente 8 equipos al Cerdanyola pol resultáu de 7-3.

El Bigues i Riells, rival del Telecable en Copa

Va celebrase en formatu de final a 8 del 21 al 24 nel Pavelló Olímpic Municipal de Reus.

El sortéu de Copa celebráu ayeri en Reus crució al Telecable Hockey Club col a priori meyor rival de los posibles: el Club Hoquei Patins Bigues i Riells (vienres 22, 17.15 hores). El conxuntu catalán, que tien en plantiya a la ex portera xixonesa Kristina Klein, ocupa la octava plaza –la última que da'l pase– de la OK Lliga femenina de ḥoquei sobre patinos, con 20 puntos, 11 menos que l'equipu de La Calzada, terceru a 5 del líder, el Generali HC Palau, que tien un partíu más.

Una segunda parte mala acaba col suañu coperu del Sporting

Los roxiblancos completaron una bona primera metá en Mestalla, pero nun aguantaron l'emburriu del Valencia pela banda izquierda, recibiendo trés goles.

Sporting 2-1 Valencia (Copa, 8 de xineru del 2019)

El Valencia sal vivu d’El Molinón gracies al VAR

El Sporting-Valencia va pasar a la historia como’l primer partíu de los más de cien años de la Copa nos que s’utilizó’l VAR pa decidir una xugada. Nesti casu favoreció a los de Marcelino, superaos esti martes na ida de los octavos polos suplentes roxiblancos gracies a los tantos de Noblejas y Blackman pa poner un 2-1 nel marcador.

Los abonaos del Sporting pagarán 15 euros pa ver el partíu de Copa col Valencia

Na tarde del xueves van ponese a la venta les entraes pal partíu d’ida de los octavos de final de la Copa qu’enfrenta al Sporting col Valencia de Marcelino, programáu pal martes a les 21.30 hores. Los abonaos han de pagar un suplementu 15 euros, mentes que pal públicu xeneral el preciu va ente los 25 y 40 euros.

Baraja pierde'l derbi (2-1) y el cargu d'entrenador

José Alberto López ye dende esti llunes entrenador nuevu del Sporting tres l'anuncia del cese de Baraja fecha'l domingu dende'l club. La derrota nel derbi col Uviéu tres otru deceicionantes partíu del equipu terminó por condenar al téunicu castellanu.

Pages