Actualidá

Reis Magos Xixón

Los Reis Magos aportaron en globu a Xixón

Melchor, Gaspar y Baltasar yá tán en Xixón. Aportaron esti llunes en globu, con aterrizaxe nel Campu Municipal de Golf de La Llorea, y les neñes y neños del conceyu tán acudiendo a la plaza de toros d’El Bibio pa poder saludalos al nun poder entamase la cabalgata.

Mareo

Nueve positivos por COVID-19 compliquen xineru al Sporting

Gallego va contar con mui pocos efeutivos p'afrontar dos partíos de Lliga y el de Copa.

La vuelta al trabayu depués del parón por Navidá nun traxo bones noticies pal Sporting. Nueve xugadores, de los que trés son del filial con dinámica del primer equipu, dieron positivu por COVID-19 y compliquen el futuru próximu a un equipu que se xuega muncho esta temporada.

Entrega medayes y distinciones de Xixón 2020

Entregáronse les distinciones de la villa

La Medaya d'Oru merecióla'l proyeutu social ‘Una Ciudad para todos’. Estos reconocimientos, que se dan pa San Pedro, tuvieron que s'aplazar nel so momentu.

Baltasar na cabalgata de Reis

Los Reis Magos van recibir n'El Bibio

La Conseyería de Salú nun da autorización al plan municipal pa que les sos maxestaes percuerran tolos barrios el 5 de xineru.

Yá había constancia de que nun habría cabalgata de Reis, pero l'alternativa plantegada pol Conceyu tampoco va ser posible. Ésta consistía en llevar en coche a Melchor, Gaspar y Baltasar a tolos requexos de la villa pa torgar asina axuntamientos importantes de xente.

'Nordeste' tres la so restauración nel 2020

La escultura ‘Nordeste’ torna al so llugar

Una vegada finada la restauración de la obra de Joaquín Vaquero Turcios, ésta yá ta colocada nel so llugar en Cimavilla. Ye ún de los monumentos y escultures que’l Conceyu ta tratando y llimpiando dende lo último del 2019 pa la so conservación nun bon estáu.

Control policial zarru perimetral

Llevántase'l zarru perimetral de Xixón

La salida y entrada nel conceyu prohibióse del 24 d'ochobre al 3 d'avientu pola COVID-19.

El Gobiernu decidió ayeri nun executar la tercer prórroga del zarru perimetral de Xixón y la del restu de conceyos na que taba implantada esta midida pa controlar l'espardimientu del coronavirus SARS-CoV-2, polo que dende güei ta permitida la movilidá. Nesi sen, hai que recordar que sigue vixente'l pieslle, hasta avisu nuevu, la del país.

Quema vivienda la Costa

Una quema nuna vivienda de la Costa dexa imáxenes espectaculares

Los Bomberos acudieron a apagar un fueu que provocó l'alarma de vecinos y de los munchos ciudadanos que pasaben pel llugar.

Códigu postal 33209

Salú entama un cribáu ente ciudadanos de 30 a 50 años de cinco barrios y parroquies

El Serviciu de Salú del Principáu d’Asturies (SESPA) prepara un cribáu en Xixón pa detectar asintomáticos o presintomáticos. Les autoridaes sanitaries llamen a participar nél a los ciudadanos d’ente 30 y 50 años que residan con mayores de 65, nun fixeran un PCR nel mes anterior y nun pasaran entovía la COVID-19.

Mapa de Xixón

Prórroga nueva del zarru perimetral del conceyu: hasta'l 3 d'avientu

Caltiénse tamién hasta esa fecha'l pieslle de la hostelería y del restu de les actividaes comerciales consideraes non esenciales.

El Gobiernu decidió prorrogar 15 díes más, hasta'l 3 d'avientu, el zarru perimetral de Xixón, al igual que'l d'Uviéu y Avilés. Ésti impúxose 24 d'ochobre con una previsión de dos selmanes, ampliándose darréu hasta'l miércoles y prorrogándose otra vuelta con un llargor como'l del primer periodu.

Convocatoria beques Oficina de Normalización Llingüística

Convóquense dos beques de formación especializao pa la Oficina de Normalización Llingüística

El Conceyu tien abierta una convocatoria p’aspirar a dos beques remuneraes de formación especializao pa la Oficina de Normalización Llingüística. Tienen una duración d’un añu, con incorporación prevista pal 1 de xineru, y a elles pueden aspirar llicenciaos y diplomaos de delles especialidaes con formación previa en llingua asturiana.

Pages