Actualidá

"L'usu de la llingua asturiana tien d'espardese al restu d'árees de la política y la vida municipal”. diz Suárez del Fueyo.

Asturies nun tardó n’amosar la so solidaridá con Catalunya polos ataques terroristes d’ayeri. Les redes sociales, nun primer momentu, enllenáronse de mensaxes contra’l terror y de sofitu a les víctimes y tol pueblu catalán.

Yá güei, celebráronse minutos de silenciu en tol país. Asina,  en Xixón hebo concentraciones na Plaza Mayor y na Feria de Muestres (FIDMA). 

Uviéu declaró trés díes de llutu y suspendió tolos eventos y actividaes culturales previstes, mentes que Xixón anunció que toles banderes van tar a media asta tamién hasta’l domingu.

Asoleyamos una pequeña galería con semeyes de la Nueche de los Fueos y la Danza Prima na playa de San Llorienzu nel Día de Begoña.

Ver galería

L'asociación en defensa de los derechos de los animales ANADEL convoca una manifestación antitaurina en Xixón pa esti domingu 13 d’agostu. La protesta va salir de la plazuela San Miguel a les 16:30 hores y tien como lema "Contra la tortura". Esti actu cuenta col sofitu de más de trenta colectivos, y coincide cola celebración nel cosu d'El Bibio de Xixón de la feria taurina de Begoña.

Iniciativa pol Asturianu tien un stand con seis empreses comprometíes col idioma na Feria Internacional de Muestres d'Asturies.

Comienza la Selmana Grande de Xixón esti vienres cola llectura del pregón por parte del actor Roberto Álvarez. Per delantre queden diez díes de conciertos y gran cantidá d’actividaes, ente les que destaca la Feria Internacional de Muestres d’Asturies (FIDMA).

Xixón Sí Puede critica la falta de baños públicos na sablera de Pando pese a tar en plenu mes d’agostu. Nun comunicáu llamenta que nun se colocaren nin unos provisionales, pese a que taba previsto emplegar unos asemeyaos a los de la ‘Semana Negra’.

El modelu nuevu de tarxetes ciudadanes que ta emitiendo’l Conceyu de Xixón inclúi l'asturianu. Les persones que soliciten un duplicáu de la mesma o qu’entovía nun la tenga, van recibir una billingüe.

Diecisiete productores d'Asturies, Galicia, Cantabria y Euskadi ufren los sos productos nel V Salón d'Agroalimentación y Turismu del Arcu Atlánticu. Los sos puestos tán instalaos hasta'l domingu n'El Muelle.

El Festival Arcu Atlánticu va celebrase del 25 al 30 de xunetu. Les actividaes van desendolcase nel barriu de Cimavilla, El Muelle, Plaza Mayor y el Centru de Cultura Antiguu Institutu.