El V Salón d'Agroalimentación y Turismu del Arcu Atlánticu pon sabor al festival

|
V Salón d'Agroalimentación y Turismu del Arcu Atlánticu

Diecisiete productores d'Asturies, Galicia, Cantabria y Euskadi ufren los sos productos nel V Salón d'Agroalimentación y Turismu del Arcu Atlánticu. Los sos puestos tán instalaos hasta'l domingu n'El Muelle.

Embutíos, conserves, pastelería, cerveza artesano, quesos, tartes y empanaes, platos ellaboraos, panadería, xeladería, productos típicos vascos…, son dalgunos de los productos que dende'l vienres tán a la venta n'El Muelle. Una amuesa de la meyor gastronomía del arcu atlánticu.

Demientres estos díes los espositores van ufiertar los sos sabores en formatu de preba pa que los visitantes puean conocer y consumir estos ‘bocaos atlánticos’. L’horariu d’apertura ye dde 12 a 15 hores y de 17 a 23 hores.

El V Salón d’Agroalimentación y Turismu del Arcu Atlánticu ta dientro del VI Festival Arcu Atlánticu, que se desendolca dende ayeri y hasta'l domingu en Cimavilla y la so redolada. El certame, qu'esti añu ta dedicáu a les llingües minorizaes, sirve como venceyu y plataforma d’intercambiu ente los pueblos que conformen l’arcu atlánticu européu.

Contador Estadistiques