Xixón ta en fiestes

|
Xixón

Comienza la Selmana Grande de Xixón esti vienres cola llectura del pregón por parte del actor Roberto Álvarez. Per delantre queden diez díes de conciertos y gran cantidá d’actividaes, ente les que destaca la Feria Internacional de Muestres d’Asturies (FIDMA).

A les 21 hores d’esta tarde van inaugurase les fiestes na Plaza Mayor col pregón del artista conocíu polos sos papeles en ‘Ana y los 7’ o ‘Cuéntame’ y les actuaciones de dellos grupos folclóricos y del cantante Víctor. Darréu, nel mesmu llugar, va celebrase la gala del XVII Festival Internacional de Gaites Villa de Xixón, mentes que nel Palacio de Deportes va ufrir un conciertu David Bisbal a les 22.30 hores, con entraes a 48 euros.

Mentes, mañana va abrir les sos puertes la FIDMA, certame referencia del branu xixonés que l’añu pasáu atraxo qu’atraxo a 714.424 visitantes al recintu ferial Luis Adaro. La cita colos stands va allargase hasta’l día 20 n’horariu de 11 a 22 hores.

El domingu, pela so parte, va celebrase’l Día d’Asturies en Xixón, y la nueche del llunes 14 va llanzase los tradicionales fuegos artificiales qu’abren el día grande de les fiestes.

Conciertos más destacaos

Los conciertos principales de la Selmana Grande van ser los siguientes:

  • Sábadu 5: Vinicio Capossela (21 hores, Plaza Mayor).
  • Domingu 6: Agrupación Artística Gijonesa (19 hores, Plaza Mayor) y Coro Minero de Turón (21 hores, Plaza Mayor).
  • Llunes 7: China Moses (21 hores, Plaza Mayor).
  • Martes 8: Sidecars (21 hores, Plaza Mayor).
  • Miércoles 9: La Dame Blanche (21 hores, Plaza Mayor).
  • Xueves 10: Edwyn Collins (21 hores, Plaza Mayor) y Antonio Orozco (23 hores, sablera de Pando).
  • Vienres 11: Carlos Sadness (21 hores, Plaza Mayor) y La Oreja de Van Gogh (23 hores, sablera de Pando).
  • Sábadu 12: The Wedding Present (21 hores, Plaza Mayor) y Revólver (23 hores, sablera de Pando).
  • Domingu 13: Tamara (21 hores, Plaza Mayor) y Morat (23 hores, sablera de Pando).
  • Llunes 14: Orquesta Olympues (22 y 00.30 hores, sablera de Pando).
Contador Estadistiques