Xixón Sí Puede lleva a Plenu un plan contra les agresiones machistes

|
Xixón Sí Puede lleva a Plenu un plan contra les agresiones machistes

Xixón Sí Puede (XsP) presenta al restu de fuercies municipales una Proposición d'Alcuerdu sobre la Creación y Establecimientu d'un Plan d'Actuación Integral sobre los Espacios y Tiempos d'Ociu nel Nuestru Conceyu pa la Prevención y Actuación énte les Agresiones Machistes, que se va aldericar güei.

Asina, solicita que se faigan "midíes concretes de cara a l'actual época braniega y próximos eventos" y la puesta en marcha d'un plan integral "con midíes a mediu y llargu plazu de concienciación sobre los moos de rellación n'espacios y tiempos d'ociu, que promuevan comportamientos igualitarios y de respetu ente les persones".

Por último, solicita que diches midíes se desendolquen dende la Oficina de Polítiques d'Igualdá, en collaboración col Conseyu de la Mocedá de Xixón y el Conseyu de la Muyer, "asina como de coleutivos feministes y LGTBi". Otra manera, les otres dos iniciatives que presenta Xixón Sí Puede nel Plenu son la unificación de les ayudes d'emerxencia y el certificáu de profesionalidá de les trabayadores del serviciu d'ayuda a domiciliu.

Contador Estadistiques