Nino sal otra vuelta del bancu pa sentenciar al Sporting B nel tramu final

|
Nino sal otra vuelta del bancu pa sentenciar al Sporting B nel tramu final

Pacheta volvió a tirar del veteranu goliador del Elche pa dar la vuelta al partíu. El filial completa una temporada pa enmarcar.

Un gol de Cayarga a menos de quince minutos del final al rematar col pie un balón tres saque d'esquina que se pasió per tol área pequeña, daba una merecida clasificación virtual a los xixoneses pese a que les ocasiones más clares del partíu foran visitantes. Nun tardó en reaicionar l'ex téunicu del Uviéu pa sacar a Nino, responsable de la remontada nel tramu final del partíu d'ida nel Martínez Valero (2-1), que nel 86 engachaba dientro l'área cola zurda un balón cayíu del cielu y salvaba al Elche de la eliminación.

Sory encargaríase nel 94 de sentenciar a un Sporting B volcáu que, pese a la derrota, completa una temporada pa enmarcar que-y permitió llegar a la segunda ronda de les eliminatoriu pol ascensu a Segunda División A. Un gran trabayu'l fechu por José Alberto López nel bancu y una gran fornada de futbolistes que merecen tener un güecu nel primer equipu.

Contador Estadistiques