¡La cuarta!

|
Telecable Xixón campeón de Copa

El Telecable suma y sigue. L'equipu de La Calzada de ḥoquei sobre patinos femenín consiguió esti domingu en Reus la Copa, la cuarta de la so historia, tres superar na fase final de la competición celebrada en Reus ente 8 equipos al Cerdanyola pol resultáu de 7-3.

Les moces entrenaes por Fernando Sierra firmaron una participación espectacular avanzando eliminatories con un gran superioridá frente a les sos rivales. El primeru en cayer foi'l Bigues i Riells pol resultáu de 5-2, pa depués goliar al Vila-sana en semifinales con contundencia (6-0).

Na final esperaba ayeri'l Cerdanyola, verdugu de los dos favoritor al títulu, el Manlleu (6-4) y el 'rei de copes' con seis nel so palmarés Voltregà (5-4). Comenzaron bien les xixoneses con un gol de Marta Piquero, escoyida meyor xugadora del tornéu, pero les catalanes consiguiríen da-y la vuelta al marcador pa ponese con ventaya.

Un tantu de María Sanjurjo y dos de Sara Roces en trés minutos, sicasí, frenaron les aspiraciones del Cerdanyola, y colocaben un 4-2 nel electrónicu que sería definitivu nel devenir de la final. D'esta forma, tres dos años cayendo nel partíu decisivu, el Telecable Solimar suma la so cuarta Copa depués de les 2012, 2013 y 2016, títulos a los qu'hai que sumar 5 d'Europa y 3 lligues, lo que consolida al conxuntu de La Calzada como'l club col meyor palmarés del país.

Receición na Casa Conceyu

Les xugadores, cuerpo téunicu y direutiva viaxaron n'autocar dende Reus depués del partíu pa llegar a primer hora de la mañana a Xixón. Poco depués, a les 13 hores, foron recibíos na Casa Conceyu pol conceyal de Deportes, Jesús Martínez Salvador, y dellos representantes municipales.

Semeya propierdá del Telecable Solimar.

Contador Estadistiques