Ana González, alcaldesa

|
Ana González, alcaldesa

La socialista Ana González Rodríguez yá ye l’alcaldesa de Xixón. Salió escoyida como primer edil nel Plenu d’Investidura, nel que tuvo los votos de los sos compañeros del PSOE y d’Aurelio Martín, conceyal de Xixón por la Izquierda, como líder de la llista más votada.

Nenguna de les seis formaciones na oposición presentaron candidatu alternativu a González, ganadora de les eleiciones al algamar 11 representantes de los 27 del Conceyu. Na primer votación nun tuvo mayoría absoluta, sumando 12 a favor, cola astención de los representantes de Ciudadanos, Podemos-EQUO, Foro y VOX, polo que salió escoyida al ser la más votada'l 26-M.

Nel so discursu d’investidura, nel que nun emplegó l’asturianu nin fixo referencia dalguna al idioma, defendió la igualdá ente homes y muyeres y aseguró que la so meta ye “reinventar el Gijón que queremos para mejorar el presente y ganar el futuro”. Precisamente, la socialista va llevar personalmente les polítiques d’Igualdá, amás de les d’Innovación.

Na semeya, González, na primer filera nel centru, xunto col restu de conceyales del PSOE nesta llexislatura.

Contador Estadistiques