VII Alcuentros de Músiques Asturianes: Lafu y Rebeca Velasco

9 Payares, 2018
VII Alcuentros de Músiques Asturianes: Lafu y Rebeca Velasco

Conciertu esti vienres 9 de payares a les 19:30h  nel CMI El Llano de Lafu y Rebeca Velasco dientro de los VII Alcuentros de Músiques Asturianes.

La historia de Alejandro Lafuente, Lafu, y Rebeca Velasco empecipia col encargu que l’Institutu Asturianu de la Muyer fai a la editorial Ámbitu p’atropar añaes tradicionales asturianes. El resultáu ye 'Ea, ea, ea', un discu del que se distribuyeren hasta’l momentu 20.000 copies. A partir d’ehí, Lafu y Rebeca presenten en 2007 el so primer discu propiu, 'Amor amante', recopilación de versiones procuroses, con ambiente de jazz, de diez cantares d’amor asturianos. Darréu, asoleyen 'Nun pido más', pol que Rebeca Velasco algama’l Premiu AMAS en 2010 a la meyor voz d’Asturies. Los sos cantares apaecieren yá en dellos curtiumetraxes y bandes sonores.
Hora: 19:30h

Sitiu: 
Centru Municipal Integrado de El Llano
Localidá: 
Xixón
Tipu d'eventu: 
Otros
Contador Estadistiques