Pequeños de Cine

Esiste un cine destináu a les audiencies más moces y al públicu familiar que tien como oxetivu, amás de proporcionar entretenimientu y contaxar entusiasmu, ufrir a esti públicu conteníos diversos, alternativos y innovadores que-yos permitan crecer como espectadores críticos. Un tipu de cine que desgraciadamente atopa pocu acomodu nos ámbitos comerciales del audiovisual y que comparte con Llaboral Cinemateca una vocación pola formación d'espectadores nuevos con una mirada más abierta y plural.

Nesta sesión ideada de manera especial pal públicu infantil y xuvenil, reunimos obres orixinales y estimulantes qu'arramen idees y encantu, munches d'elles con una trayeutoria esitosa en festivales estatales y internacionales. El so llargor ta ente los 5 y los 20 minutos.

'Marmalad', de Radostina Neykova (Bulgaria, 2020).

'Paraguas', de José Prats y Álvaro Roblès (Francia y España, 2020).

'Les vêtements', de Caroline Blais (Canadá, 2019).

'Urban Oasis', d'Hervé Bressaud (Francia, 2020).

'Lea salvaje', de María Teresa Salcedo (Colombia, 2020).

'Blue & Malone: Casos imposibles', d'Abraham López (España, 2020).
Hora: 17.30h