Yá hai cartel pal Festival N'Alcordanza 2017

|
Yá hai cartel pal Festival N'Alcordanza 2017

Nesta edición el Festival va celebrase'l sábadu 1 de xunetu. Va contar con 8 grupos de la escena folk y rock.

Na so decima edición, el Festival  N'Alcordanza tendrá solo un día d'actuaciones y dos escenarios, y el cartel ye un diseñu de Marcos Torres.

Los conciertos van entamar a les 18 hores nel local La Vida Alegre (C/Buen Suceso, 8) con una sesión dedicada al folk colos grupos LR, Caldo y Os Rabizos y Felpeyu. Pela nueche, a les 24 hores, la cita va ser nel Savoy (c/ Cuadonga, 5) col rock como protagonista y onde van a garrar el testigu los grupos Seaspimds, Radio Fox, Mamy Carter, Keep Karma y Últimos de Filipinas. 

Un programa curiosu pa esti certame que nació en recuerdu de los músicos de Felpeyu Ígor Medio y Carlos Redondo que morrieren nel 2006 nun accidente de tráficu camín de Catalunya cuando viaxaben a tocar a Catalunya dende Corvera na Nueche de San Xuan.

Contador Estadistiques