Xixón superó en 2016 el millón y mediu de visitantes

Esto supon una medría del 7,4% al respective de 2015.

Xixón cierra 2016 con cifres récord al superar per primer vegada na hestoria'l millón y mediu de visitantes (1.533.322 viaxeros), el millón de turistes agospiaos (1.037.227 viaxeros) y los 400.000 veceros agospiaos n'establecimientos hoteleros (401.044 viaxeros). Ésta ye la primer conclusión tres la publicación per parte del INE de los datos provisionales del mes d'avientu y, por tanto, del zarru del añu 2016.

El númberu de turistes agospiaos n'establecimientos hoteleros en 2016 algamó la cifra de 401.044 viaxeros, esto ye, 27.256 más que l'añu pasáu. Esto supon una medría del 7,4% al respective de 2015 y ye el meyor resultáu en valor absolutu desque se dispon de datos oficiales.