Xixón movilízase contra la violencia machista
|
24 Payares, 2016 por Redacción
El vienres, 25 de payares, ye'l Día Internacional de la Eliminación de la Violencia contra la Muyer. Con motivu d'esta fecha, hai convocaes delles actividaes en Xixón na tarde d'esti xueves.
El coleutivu Muyeres en Llucha tien convocaes dos aiciones con motivu de la celebración del 25 de payares, Día Internacional de la Eliminación de la Violencia contra la Muyer. La primera va consistir nuna pegada de cartelos per Xixón recordando les victimes mortales de la violencia machista d'esti añu, pa siguir con una representación na cai Corrida pa visibilizar la violencia machista que mos arrodia.
Esti actu, previstu a les 20 hores, ta abiertu a la participación de tola ciudadanía. Pa ello Muyeres en Llucha solicita a toles persones que vengan vistíes de prietu.
Tamíen l'asociación Mujeres Siglo XXI, del Partído Popular, va facer un actu conmemorativu d'esti día nel Museú Casa Natal de Xovellanos. Va ser a les 19 hores cola participación de Mercedes Fernández, presidenta del PP n'Asturies.
