Xixón, en Madrid Fusión

|
Xixón, en Madrid Fusión

Xixón torna un añu más a Madrid Fusión,  una de les pincipales feries gastronómiques a nivel mundial.

Ésti ye’l cuartu añu qu’aporta la ciudá asturiana a la cita y la sidra va ser de nueves el productu bandera que va amosar Divertia nesti salón gastronómicu.

Pa ello, la ciudá va cuntar con una zona espositiva al serviciu d’empreses del sector na primera planta y con un espaciu nel hall d’entrada, onde un escanciador va dar a prebar la bebida asturiana y onde va promocionase l’eventu Xixón de sidra.

Nel stand de la primera planta, Xixon va cuntar cola presencia d’empreses del sector, productores llocales, empreses de catering y un llagar, que va presentar delles variedaes de sidra.

Nel stand van tar presentes el conceyal de Turismu, Deportes, Festexos y Xuventú, Jesús Martínez Salvador, y el xerente de Divertia Gijón, Jorge González-Palacios.

 

Na semeya actu de presentación por parte del conceyal de Turismu, Deportes, Festexos y Xuventú, Jesús Martínez Salvador de l'Axenda d'Actividaes de Xixón pa 2017  que se presentó va unos díes en FITUR.

Contador Estadistiques