Una marcha na zona oeste va reclamar un futuru p'Asturies

|
Cartelu que llama a la manifestación 'Por un futuru p'Asturies' de La Calzada

Con salida en Fátima, demanda "emplegu, menos contaminación y lletricidá asequible".

El popular barriu de La Calzada, ún de los más castigaos pola contaminación na ciudá y nel país, va ser sede mañana d'una manifestación baxo'l lema 'Por un futuru p'Asturies'. Ésta ta convocada por La Rede Xixón Oeste xunto a dellos coleutivos del conceyu y busca concienciar sobre trés de les problemátiques principales que sufren tanto los xixoneses como los asturianos.

Asina, na convocatoria de la marcha demándase "una solución a la crisis industrial, social y medioambiental que vive Asturies"; la "proteición de la industria" y que "dende'l sector públicu se xenere emplegu de calidá"; control por parte de l'Alministración "de les emisiones contaminantes"; y "garantizar l'accesu a la lluz y gas a tola población", asina como una "racionalización del sector". La salida de la manifestación ta prevista a les 19 hores dende la ilesia de Fátima.

Na semeya, pancarta que llama a participar na manifestación.

Contador Estadistiques