Una decena d’agrupaciones participen nel Festival Folclóricu Internacional de Xixón

|
Rangsagar Performing Arts

Esti martes y miércoles va celebrase na Plaza Mayor el Festival Folclóricu Internacional de Xixón. Una decena d’agrupaciones asturianes y d’otros puntos del planeta van participar nesta edición con actuaciones dende les 22 hores.

Aitor García Corte va encargase un añu más de la presentación del certame folclóricu, qu’enllena de danza y color l’escenariu de la Plaza Mayor de Xixón. Na primer xornada, esta nueche, van tomar parte los xixoneses Asociación de Folclore Azabache y Coros y Danzas Flor de Xaranzaina y les formaciones Grupo de Danzas Folclóricas Carmen López de la Universidad del Valle (Santiago de Cali, Colombia), Ballet Ara (Comunidad de Madrid), Ballet Folclórico Universidad de Colima (México) y Coros y Danzas Virgen de las Huertas de Lorca (Región de Murcia).

Mañana, mentes, van baillar los xixoneses Grupo Folklórico El Xolgoriu y Grupo Folklórico Trebeyu, y Rangsagar Performing Arts (India) y Inonu Culture and Sport Association Folk Dance (Chipre). Van repetir actuación los colombianos Grupo de Danzas Folclóricas Carmen López de la Universidad del Valle y los mexicanos Ballet Folclórico Universidad de Colima.

Na semeya, Rangsagar Performing Arts.

Contador Estadistiques