Too preparao pa la segunda edición del 'Xixón Fala en 3'

|
Víctor Suárez I 'Xixón Fala en 3'

Los concursantes van tocar n'asturianu, con un rexistru cultu, temes tan interesantes como la privacidá n'Internet o la salú mental.

Mañana, a les 11 hores, va tener llugar nel salón d'actos del Centru de Cultura Antiguu Institutu el II 'Xixón Fala en 3', concursu que tien como oxetivu promover l'usu de la llingua asturiana pa tratar cualquier tipu de temática. Asina los participantes van esponer mientres 3 minutos un tema de Cultura y Realidá asturiana o de Divulgación, les dos estayes del concursu, que reparte premios de 600 euros pal ganador y de 275 y 125, pa los segundos y terceros, de manera respeutiva.

Esti añu amás va estrenase una categoría nueva, pa moces y moces d'ente 14 y 18 años. Ente los temes que se van tratar adelantaos pola organización atopamos l'asturianu nel franquismu, el mieu a la diferencia, la privacidá n'Internet, una visión de la novela '1984' de George Orwell, los viaxes n'autocaravana, la Commedia dell'Arte al serviciu de la muyer, l'espolleta de la estrema derecha nos IES, la historia de la sexualidá, la salú mental o los cinco velenos blancos, ente otros.

La Oficina de Normalización Llingüística de Xixón, entamadora del concursu, anima a la ciudadanía a acudir a presenciar en direuto les diferentes intervenciones.

Na imaxe, intervención de Víctor Suárez na primer edición, celebrada na Escuela de Comerciu Antigua. Semeya obra d'Inaciu Galán.

Contador Estadistiques