Suárez del Fueyo abandona la Secretaría Xeneral de Podemos

|
Mario Suárez del Fueyo

Comunicó la so decisión al traviés d'una carta pública na que considera un error el nun acudir a les eleiciones xunto con IX.

Na tarde d'ayeri Mario Suárez del Fueyo, candidatu na llexislatura anterior de Xixón Sí Puede, comunicó al Conseyu Ciudadano la so renuncia al cargu de secretariu xeneral de Podemos Xixón. "Enxamás entendí la política como una profesión nin la estancia nos cargos como permanente y por esa razón siempre interpreté como natural que'l pasu peles instituciones y peles responsabilidaes polítiques tienen una llende temporal", señala.

"Foron 4 años y mediu d'intensidá grande y complexidá política, con una organización que nacía de la ilusión y la indignación pero ensin estructures y con escasa cultura política de partíu", lo que, apunta, "supunxo un desgaste personal grande qu'agora toca puertu". Darréu asegura que "llamento fondamente la imposibilidá de presentanos na ciudá como Xuníes Podemos. Sinceramente creo que foi un mal cálculu eleutoralista que se pagó con intereses negativos nes urnes".

Podemos Xixón ha de poner en marcha agora unes primaries pa escoyer al sustitutu de Del Fueyo, qu'ufre la so collaboración al grupu municipal, al frente de la Secretaría Xeneral.

Contador Estadistiques