Reedición de 'Sol en los pomares' de Matías Conde

L'actu de presentación d'esta reedición va celebrase esti xueves 3, a les 19 hores, na sala de conferencies del Centru de Cultura Antiguu Institutu Xovellanos,

«Sol en los pomares» ye la  obra más renomada del autor xixones Matías Conde, qu'agora reedita l'Academia de la Llingua Asturiana col sofitu del Ayuntamientu de Gijón/Xixón, coincidiendo col 120 aniversariu de la nacencia de Conde. Foi publicada en 1948 en México, con entamu del escritor José Vasconcelos ya ilustraciones del artista xixonés Germán Horacio, fíu de Pachín de Melás. Axunta poemes populares —costumistes, humorísticos, sentimentales…— n'asturianu.

Matías Conde de la Viña (Xixón, 1896) desarrolló dende mozu les sos aficiones lliteraries, collaborando davezu en semanarios locales. Por cuenta la guerra civil, en 1937 emigró, primero a Francia y depués a México, onde vivió hasta 1982, añu en que morrió.

L'actu de presentación d'esta reedición va celebrase esti xueves 3, a les 19 hores, na sala de conferencies del Centru de Cultura Antiguu Institutu Xovellanos, actu nel que va participar la presidenta Ana María Cano, la conceyala d'Educación y Cultura Ana María Montserrat López Moro y Xosé Lluis García Arias, miembru de númberu de la institución académica.