Paraguada en defensa de la enseñanza pública

|
Paraguada en defensa de la enseñanza pública

El Movimiento Social por la Escuela Pública de Asturias (MSEPA) convoca pa esti martes una concentración en Begoña.

Esti martes a les 18.30 hores ta convocada una concentración en Begoña pola defensa de la escuela pública. La concentración continuará con una 'paraguada-pasucais' dende'l Paséu Begoña hasta la Plaza d'Italia. Los organizadores son Movimiento Social por la Escuela Pública de Asturias (MSEPA), que con esti actu quier protestar contra los "conciertos educativos", ya qu'entiende que la concertación nun ye un drechu, sinón una forma de financiación por parte de les Alministraciones Públiques a negocios privaos, venceyaos en munchos casos a la Ilesia Católica. Al empar, piden la desapaición progresivu de les subvenciones a les empresas privaes (conciertos).

La 'Paraguada' ta dientro de la campaña entamada pol MSEPA pa defender el calter prioritariu de la escuela pública, reclamar la supresión darréu de les subvenciones a los centros privaos que dixebren a los escolinos por sexu y la progresiva eliminación de los conciertos educativos, amás de nun concertar onde haya ufierta pública suficiente y esixir el comprosimu por parte de l'Alministración de nun zarrar denguna unidá en centros públicos nin reducir les plantiyes de los mesmos.

Otru elementu de la so campaña ye un manifiestu nel que recueyen toles sos demandes y al que ya-y dieron el so sofitu delles organizaciones polítiques y sociales asturianes como: Izquierda Xunida, Podemos, CC OO, CSI, Sindicato de Estudiantes, SUATEA, Fapas Xixón,  AEIPA 0-3,  Estudiantes Progresistas, Conseyu de Mocedá de Xixón, Colectivo No-Sexista de Asturias, Asturias Laica y Sociedá Cultural Xixonesa; y los grupos municipales xixoneses d'IX y Xixón Si Puede.

 

 

 

 

 

AdxuntuTamañu
PDF icon Manifiestu MSEPA211.79 KB
Contador Estadistiques