Nun Tris zarra'l Festival Escenines pa la Reciella
|
4 Xineru, 2017 por Redacción
La compañía Nun Tris pon n'escena la so obra 'Runa' pa finar esta edición del festival .
Esti miercoles a les 19 hores nel Salón d'actos del Colexu Públicu Xovellanos va vese l'últimu espectáculu programáu dientro del Festival Escenines pa la Reciella. Los encargaos de poner pieslle a esta edición ye la compañía Nun Tris, cola representación de 'Runa', nuna versión n'asturianu.
Nesta obra, una actriz presenta cuentos y narraciones de los cinco continentes nun viaxe alredor del mundiu, falando de les sos costumes y tradiciones y acompañada d’un narrador-músicu, qu’interpreta fragmentos de música de cada llugar.
La entrada ye de baldre hasta completar l'aforu.
