L'Indus empieza la Lliga recibiendo al Llanes y el Ciares viaxa a Posada

|
Primer xornada Tercera División 2019-2020

Los de La Cruz van competir esta campaña na Copa Federación al quedar fuera de la mesma los equipos filiales y venceyaos.

Esta mañana diose a conocer el calendariu de la Tercera División pa esta temporada. La primer xornada, la fin de selmana del 25 d'agostu, crució al UD Gijón Industrial col Llanes, mentes que l'UC Ceares va desplazase al conceyu llaniscu pa enfrentase al Urraca en Posada.

La segunda xornada los d'Alberto Menéndez van recibir al debutante Vallobín, mentes los de Miguel Ángel Martín viaxen a Uviéu pa xugar col CD Covadonga. Mentes, los dos equipos xixoneses van finar la competición la fin de selmana del 17 de mayu en Pravia, los de Ciares, y en Colunga, los de La Calzada.

Otra manera, el primer derbi va tener llugar na xornada 9 en Santa Cruz, la fin de selmana del 20 d'ochobre. La vuelta en la Cruz va ser na del 8 de marzu.

El Sporting B, fuera

El Sporting B nun va competir na Copa Federación pola decisión de dexar fuera de la mesma a los equipos filiales y venceyaos. La razón ye'l cambiu de formatu de la Copa, qu'entra esta temporada, pa la que tienen plaza los cuatro semifinalistes de la fase estatal d'esta competición.

Asina, el Ciares, que quedara fuera pola diferencia particular de goles col Colunga, vese beneficiáu y va tar nel bombu de la competición. Tamién ganen plaza l'Avilés y l'EI San Martín, mentes que la pierden el Vestusta y el Praviano, equipu que se convirtió en club collaborador del Uviéu.

Contador Estadistiques