La XXXVI 'Semana Negra' reorganiza'l recintu

Miles de persones pasen diariamente pelos terrenos de Naval Xixón pa disfrutar del siempre esitosu amiestu de cultura y folixa qu'ufre'l certame hasta'l domingu 16.

La XXXVI 'Semana Negra' arrancó'l vienres con una imaxe nueva. Espacios de tierra asfaltaos y una gran carpa qu'acueye los puestos d'editoriales y llibreríes son les novedaes principales, anque tamién una reorganización de los espacios que beneficia a la zona de bares, al quitar l'escenariu central al nun tar programaos nesta edición grandes conciertos, una de les señes del festival lliterariu nos sos meyores años na zona d'El Molinón.

Polo demás, la esencia sigue siendo la mesma. Presentaciones, charres, alderiques y proyeiciones prográmense a lo llargo d'estos diez díes nos trés espacios cola presencia de 150 escritores de primer nivel procedente de dellos países, asina como delles esposiciones de cómic y fotografía.

Pue consultar el programa completu de la 'Semana Negra' calcando nesti enllaz.