La Selmana Grande enllena Xixón de folixa

|
La Selmana Grande enllena Xixón de folixa

Xixón ta en fiestes. Esti vienres arranca la Selmana Grande: siete díes de folixa na que la ciudá va vivir conciertos na Plaza Mayor y la sablera d’El Natahoyo, amás d’actuaciones n’otros puntos de la villa, los Fueos, la Danza Prima y el Restallón o actividaes como la FIDMA.

La inauguración va ser mañana a les 21 hores na Plaza Mayor, cola llectura del pregón a cargu de la patinadora de velocidá Sheila Posada, pa comenzar de siguío una serie d’actuaciones folclóriques. Darréu va celebrase l’actu central del Festival de Bandes de Gaites Villa de Xixón cola participación de les agrupaciones bretones Arvorig Breizh Band y Bagad de Vannes Melinerion, la gallega Banda de Gaitas Xinzo de Limia y les asturianes Banda de Gaitas Teixo-Manolo Quirós y la Banda Gaitas Villa de Xixón.

Manel Fuentes & The Spring’s Team van abrir los conciertos d’El Natahoyo –toos a les 23 hores–, pa tomar el relevu nos díes siguientes Diana Navarro (sábadu), Gecko Turner (domingu), Lola Índigo (llunes) y La Fuga (martes). Mentes, a la Plaza Mayor –siempre a les 21 hores– van llevar la so música Varry Brava (sábadu), Mastodonte (domingu) y Los Berrones (llunes), tando’l martes destinaú al conciertu ‘Pioneros del Rock’.

El miércoles va celebrase la Gran Nueche de los Fueos, con orquestes espardíes pela ciudá. Mentes, el Restallón y la Danza Prima van zarrar la Selmana Grande’l xueves, Día de Begoña, a les 14 hores.

Contador Estadistiques