'Infuencers' chinos visiten Xixón

|
'Infuencers' chinos visiten Xixón

Seis ‘influencers’ chinos especializaos en viaxes y estilu de vida deprenderán a cocinar casadielles y tortiella y visitarán Llaboral Ciudá de la Cultura y un llagar.

El 22 de mayu, un grupu d’ ‘influencers’ chinos visitará Xixón como parte d’un percorríu de 18 díes per España. En aportando a la ciudá, van averase al Centru Integráu de Formación Profesional d’Hostelería y Turismu, onde van prebar dellos alimentos típicos y realizar un taller de cocina nel que deprenderán a iguar tortiella española y casadielles.

Depués del taller de cocina, visitarán Llaboral Ciudá de la Cultura (17.00h) y tendrán la oportunidá de conocer el procesu d’ellaboración de la sidra y prebala nel llagar Trabanco (19.30h). Les esperiencies van compartiles ente los sos millones de siguidores en China.

La iniciativa, que tien el sofitu de Xixón Turismu, parte de l’Asociación de Turismu España China (ATEC) y ye una xera p’afitar la imaxe d’España nel xigante asiáticu. Nos años caberos, cientos de miles de turistes chinos visitaron España y esi númberu nun apara de medrar.

Contador Estadistiques