Inaguración de la esposición 'Bicis pa la historia'

|
Inaguración de la esposición 'Bicis pa la historia'

Dende'l martes 11 al 7 de mayu vamos poder ver nel Antiguu Intitutu Xovellanos una amuesa con bicicletes históriques dende finales del sieglu XIX  y principios del XX.

La esposición resalta'l papel que, dende distintos puntos de vista, tuvo la bicicleta en momentos claves de la historia recién: como mediu de tresporte llaboral, como divertimientu, como deporte y nos grandes acontecimientos bélicos (primer y segunda guerres mundiales y guerra de Vietnam). La función orixinal de la bicicleta como útil de desplazamientu repercutió nel impulsu de la industrialización, na autonomía individual, na llibertá de movimientos y hasta na vestimienta femenina, ya que les muyeres incorporáronse llueu al ciclismu. L'amuesa esibe una docena de bicicletes históriques de finales del sieglu XIX y principios del XX de marques como Spalding, Opel, Peugeot, Raleigh, Flying Pigeon, Moser y Pinarello, esta postrera utilizada por Miguel Indurain. Amás, hai paneles esplicativos de la hestoria de la bici, un audiovisual y un espositor ciclista de los años 30, perteneciente al Garaxe Villalaín de L.luarca. 

 

Na semeya: Aparcamientu de bicicletes na Fábrica de Moreda de Xixón hacia 1960 (Muséu del Pueblu d´Asturies)

Contador Estadistiques