II Concursu de rellatu curtiu 'Qué guapo ye querese'

|
Que guapo ye querese 2018

Van poder presentase a esti Concursu toles persones d'ente 16 y 25 años (dambos incluyíos) con rellatos curtios en llingua asturiana hasta'l 21 d’avientu.

Trátase d’una iniciativa desenvuelta, a comuña, ente la Oficina de Normalización Llingüística y el Conseyu de la Mocedá de Xixón. El concursu empobínase a xente mozo y divídese en dos estayes, una pa persones d'ente 16 y 18 años y otra pa persones d'ente 19 y 25 años.

Con esti concursu preténdese fomentar l'usu del asturianu ente la mocedá, pa falar de tou tipu de coses (normalizar l'usu social del asturianu); averar la lliteratura a la mocedá; promover un querer llibre, igualitariu, con bon tratu… seya p'hacia persones o p'hacia idiomes y dar visibilidá al Día del Idioma Maternu y al amor poles llingües, concretamente, pol asturianu.

Nos rellatos curtios, les y los participantes van poder manifestar los sos quereres, pol asturianu o cualesquier otra llingua, por otres persones, por elles y ellos mesmos, o por dalguna cosa que-yos alegre los díes y-yos faiga la vida más agradable.

El plazu de presentación d'orixinales empecipia’l 29 d’ochobre y remata'l 21 d’avientu. Los premios van entregase'l 21 de Febreru de 2019, coincidiendo col Día Internacional de la Llingua Materna.

Pueden constultase les bases equí.

Contador Estadistiques