Fina Arturo Fernández

|
Arturo Fernández

L'actor, Fíu Predileutu de Xixón, tenía 90 años.

Arturo Fernández morrió esta madrugada en Madrid. Llevaba dellos díes ingresáu nun hospital tres unos problemes de salú que comenzaron n'abril, cuando tuvo que ser operáu d'urxencia del estómagu.

Naquel momento viose obligáu a dexar el so trabayu cola obra 'Alta seducción', de la que yera protagonista. Mientres tola so carrera nun dexó d'exercer, convirtiéndose nun actor mui popular dende la década de los 50, fama que s'agrandaría nos 90 pola serie de televisión 'La casa de los líos'.

El xixonés yera la única persona viva que tenía'l títulu de Fíu Predileutu del conceyu, distinción que namái recibieron 14 persones. L'Ayuntamientu ta acabante de decretar trés díes de llutu oficial, polo que les banderes van llucir a media asta, y va ceder el Teatru Xovellanos pa la instalación de la capiella ardiente de Fernández mañana ente les 15 y les 22 hores.

Contador Estadistiques