Ésti ye'l programa d'actividaes de la esposición 'Asturianes'

Va arrancar el 11 d'avientu y inclúi dos talleres pa los que ye necesario acutar plaza.

Hasta'l 29 de xineru ye posible visitar na sala 3 del Centru de Cultura Antiguu Institutu la esposición 'Asturianes' a partir del popular llibru d'Alicia Álvarez con ilustraciones de María Ortiz. De manera complementaria, la Oficina de Normalización Llingüística y la Universidá Popular, responsables de la mesma ufren un ampliu programa con actividaes que tienen que ver con dalgunes de les venti muyeres o protagonistes del llibru.

Son les siguientes:

• 11 d'avientu: charra-alderique 'Cigarreres. L'alma de tabacalera' con Alejandro Nafría, Pablo A. Quiroga y ex trayadodres de la Fábrica de Tabacos de Cimavilla (19 hores, sala de conferencies del Antiguu Institutu).
• 16 d'avientu: taller 'Nos fogones de María Luisa', a cargu d'Ana Cifuentes (de 10 a 14 hores, Aula de Cocina del Centru Municipal Integráu d'El Llano). Places llendaes, ye necesario acutar plaza.
• 12 de xineru: charra 'Tertulia Feminista Les Comadres' con Álvarez, Begoña Piñero y Pilar Sánchez Vicente (19 hores, salón d'actos del Antiguu Institutu).
• 15 de xineru: charra 'Creando dende los márxenes: Julia Alcayde y el bodegón' de Carmen Díaz-Faes (19 hores, salón d'actos de la Escuela de Comerciu).
• 18 de xineru: taller 'Frutes, flores y fanzines: (de)construyendo bodegones con Julia Alcayde', a cargu de Carmen Díaz-Faes (de 18 a 20 hores, antepar del segundu pisu de la Escuela de Comerciu). Places llendaes, ye necesario acutar plaza.
• 23 de xineru: conciertu de Alicia y Mar Álvarez (Pauline en la Playa), que van interpretar cantares de La Busdonga, Muyeres o Undershakers, amás de composiciones propies (19 hores, patiu del Antiguu Institutu).
• 25 de xineru: charra 'Urraca, el misteriu de la bastarda que quixo ser reina d'Asturies', d'Arantxa Margolles (19 hores, Foru de Muyeres d'El Llano nel centru municipal integráu).

Les places de los talleres van poder acutase dende'l martes nesta páxina web.