Esposición 'Les nuestres güeles'

|
Esposición 'Les nuestres güeles'

Del 17 al 31 de mayu, l'Antiguu Institutu va acoyer el resultáu del trabayu de los grupos de fotografía de la Universidá Popular, coordinaos pol so profesor Fernando González.

Esta amuesa quier ser un homenaxe, un agasayu y un reconocimientu a les güeles.  L'esposición preténdese superar l’esteriotipu y llegar a la realidá de muyeres mui diferentes que conducen, lleen, faen deporte o falen seliquino sentaes nun bancu. Con esta amuesa quieren 'qu’asome esa parte emocional y familiar onde les güeles dexen ver los sentimientos cuando apaecen fíos, fíes, nietos y nietes o mascotes'.

Los visitantes podrán trayer semeyes de les sos güeles pa dir escolingándoles n'un tendal metanes la esposición.

Como actividá complementaria, el vienres 26 de mayu a les 18.30 h, na sala de conferencies, va haber una charra con artistes asturianes van facer alcordanza de les sos güeles y tolo que supunxeren pa la so vida y la so obra.

Contador Estadistiques