El popular Pablo González recibe un anónimu amenazante

|
Pablo González Menéndez

Les investigaciones pociales apunten a Luis Venta, secretariu xeneral del PP d'Asturies, como responsable y ye destituyíu por Madrid.

Esta selmana salió a la lluz la esistencia d’una carta anónima al secretariu xeneral del PP de Xixón, Pablo González Menéndez, unviada al despachu popular na Casa Conceyu. Nella recibía amenaces sobre la difusión d’informaciones sobre la so actividá profesional y personal tres acusalu de “timar a los vecinos de Xixón” –emplegóse nésta y n’otra ocasión nel testu’l topónimu tradicional de la ciudá, oficial xunto col castellanu ‘Gijón’–.

Tres denuncialo, les investigaciones policiales señalaron a Venta como responsable de la mesma, anque ésti niega que l'autoría sía de so. Sicasí, el presidente del PP, Pablo Casado, decidió la destitución de tolos sos cargos al hasta agora secretariu xeneral del partíu n’Asturies.

Pablo González, voceru tamién del grupu municipal popular, señaló que se siente víctima de toda esta situación y esixó a Madrid que llegue hasta'l final del asuntu. Tamién declaró sentise sorprendíu al conocer el resultáu de la investigación policial y pidió disculpes a la ciudadanía por considerar que la supuesta actuación de Venta "nun ta al altor d'un partíu seriu y democráticu".

Na imaxe, Pablo González nuna rueda de prensa na Casa Conceyu. Semeya propiedá del PP de Xixón.

Contador Estadistiques