El Día Mundial del Turismu celébrase con una visita guiada nocherniega a Cimavilla

|
Cimavilla San Pedro por Enric

El 27 de setiembre conmemórase esta xornada promovida por Naciones Xuníes.

Gijón/Xixón Turismu súmase al Día Mundial del Turismu entamando una visita guiada nocherniega a Cimavilla que va coincidir tamién cola Nueche Blanca. Los asistentes van conocer la historia y les anéudotes del barriu altu, les sos xentes, el so pasáu romanu y marineru, y van visitar la Casa Natal de Xovellanos y les Termes Romanes.

Con motivu de la Nueche Blanca nel muséu dedicáu al ilustráu va poder vese la representación de ‘Las gemelas de palacio’, de la Compañía Luz, micro y Punto; en Campu Valdés ‘Estrígil’, l'espectáculu de danza de Dana Raz Dance Projects; y por último, n'El Parchís, final de la ruta, la proyeición audiovisual ‘Gijón/Xixón romano’ na facha del Centru de Cultura Antiguu Institutu. La salida ta prevista pa les 22 hores na plaza'l Marqués, con llegada esperada a la plaza del Institutu a medianueche.

La participación na salida ye de baldre, anque ye necesario acutar plaza n'Infoxixón, na oficina del Puertu Deportivu o al traviés del númberu de teléfonu 985.34.17.71 o del corréu electrónicu infogijon@gijon.info.

Semeya obra d'Enric baxo llicencia CC BY-SA 4.0.

Contador Estadistiques