El Conseyu de la Mocedá pon en marcha un grupu de conversación n'asturianu

El grupu va entamar el miércoles 11 de xineru, y va celebrase tolos miércoles de 19 a 20:30 hores.

Los Grupos Informales de Conversación son una iniciativa del Conseyu la Mocedá de Xixón (CMX) na que collabora Iniciativa pol Asturianu. Esta primer esperienza de grupos informames de conversación n'asturianu  ta empobinada a toles persones que quieran practicar les sos conociencies del idioma nun ambientu informal. Dende Iniciativa pol Asturianu quieren animar a participar d'esti grupu y "a perder el mieu a usar l'asturinau en tolos ámbitos".

Los grupos nun son clases d'idioma, sinón espacios nos qu'echar la parpayuela y tán dinamizados por equipos de voluntariáu, nesti casu por miembros d'Iniciativa pol Asturianu. Esti nuevu grupu, que se suma a los esistentes hasta agora n'otres llingües, va celebrase .

El grupu va entamar el miércoles 11 de xineru, y va celebrase tolos miércoles de 19 a 20:30 hores nel llar del CMX, n'Avenida Manuel Llaneza, 68, baxu. La entrada ye llibre y de baldre, y nun se precisa apuntase enantes.