El Conciertu pola Oficialidá va celebrase esti añu en Xixón

|
El Conciertu pola Oficialidá va celebrase esti añu en Xixón

El XXIX Conciertu pola Oficialidá va celebrase’l 17 de xunu nel Parque de los Hermanos Castro. Rodrigo Cuevas y Dixebra tán nel cartelu.

El Parque de los Hermanos Castro  va  tornar a ser sede del Conciertu pola Oficialidá, que cambia al mes de xunu na so ventena novena edición. La Xunta pola Defensa de la Llingua Asturiana (XDLA) ye la organizadora d'esta cita musical reivindicativa onde tolos artistes y grupos actúen de baldre pa sofitar el movimientu civil de reivindicación llingüística. Nesta edición cuenta con potenciar les actividaes previes a les actuaciones musicales, nes nun va a faltar Dixebra  que ta celebrando la xira del so 30 aniversariu y nel que debuta l'artista sensación del momentu Rodrigo Cuevas.

Xunto con Dixebra y Rodrigo Cuevas van participar nesti conciertu los grupos Spanta la Xente, la Banda de Gaites LaKadarma, la formación de punk rock Misiva, Caldo y Os Rabizos, Cantaruxare y Herbamora, que van protagonizar una ‘Tarde en Danza’. Les actuaciones musicales van principiar a les 19 hores, anque la XDLA tien previsto planificar actividaes infantiles a lo llargo de tola tarde.

Contador Estadistiques