El Conciertu pola Oficialidá repite en Xixón

|
Cartelu XXX Conciertu pola Oficialidá

Ochos grupos en llingua asturiana van tocar el sábadu 6 en defensa de los derechos llingüísticos de los falantes d'asturianu.

El Conciertu pola Oficialidá qu'entama la Xunta pola Defensa de la Llingua Asturiana (XDLA) cumple trenta ediciones y va celebrase per tolo alto nel Parque Inglés –anguaño nomáu Parque de los Hermanos Castro–. Una carpa con dos escenarios, de nome 'Yá' y 'Agora', va acoyer hasta ocho formaciones qu'abarquen estilos bien variaos, como la tonada, el folk, el ska o'l rock.

Va encargase d’abrir les actuaciones a les 19 hores –l’apertura de puertes ye a les 18.30 hores– Ún de Grao, pa depués dar pasu, nesti orde, a L-R, Corquiéu, Tejedor, N’Arba, Skama la Rede, Dixebra y La Tarrancha. La hora aproximada del fin de les actuaciones ye les 3.30 hores.

Les entraes tienen un preciu de 8 euros de manera anticipada y de 10, na puerta. En Xixón tán a la venta nel Café Trisquel y na sidrería Canteli.

Contador Estadistiques