El Conceyu recomienda evitar l'usu del vehículu pola contaminación

|
Xunidá Movil de Vixilancia de la Calidá del Aire de Xixón

Xixón ta n'avisu pola presencia de partícules.

Tras l'activación del Protocolu de Calidá del Aire'l domingu por parte del Gobiernu, el Conceyu de Xixón punxo en marcha la restricción de la circulación de vehículos de más de 3.500 quilos nel área de l'avenida d'Arxentina de 7 a 9 y de 18 a 21 hores, el riegu de carreteres y la prohibición de quemes en tol territoriu. Tamién recomienda a la población evitar l'usu del vehículu particular y utilizar na midida de lo posible'l tresporte públicu o otros medios de trensporte sostenible.

D'igual forma, llama a moderar la temperatura de las calefacciones a 20 graos y reducir nos posible'l so usu. Según confirmó la direutora xeneral de Prevención y Control Ambiental, Elena Marañón, los datos en Xixón ameyoraron en comparanza con ayeri por mor de les midíes a les qu'obliga'l protocolu, como la reducción de la velocidá nes autovíes a 90 quilómetros per hora.

Tamién ameyoraron n'Uviéu, que tamién entró n'avisu'l domingu. Nun pasa lo mesmo n'Avilés, onde s'activó'l protocolu ayeri.

Na imaxe, Xunidá Movil de Vixilancia de la Calidá del Aire de Xixón. Semeya propiedá de la Coordinadora Ecoloxista d'Asturies.

Contador Estadistiques