El Círculo va salir a competir en LEB Plata

|
Henrik Jädersten

Llegó a un alcuerdu col Kirolbet Baskonia pa intercambiar la plaza del so filial cola del club xixonés n'EBA y robla un alcuerdu de collaboración col equipu vascu d'ACB.

Anque por derechos deportivos, al ser el descendíu con meyor clasificación, paecía segura la permancia del Círculo Gijón Baloncesto y Conocimiento al haber numberoses renuncies d'equipos a competir na categoría de bronce del baloncestu estatal, la direutiva xixonesa decidió dar un pasu más y roblar un conveniu col conxuntu vascu. D'esta forma, dambos clubes van collaborar ente ellos y xugadores de la cantera del Baskonia podíen recalar nel Palaciu de Deportes.

Esta fórmula yá tuvo un gran beneficiu pal baloncestu xixonés na época del Gijón Baloncesto. L'arxentín Luis Scola llegó a préstamu a Xixón con 18 años nel 1998 y lideró al equipu a l'ACB nel so primer añu y contribuyó a la permanencia nel segundu, pa depués trunfar en Gasteiz mientres 7 años enantes de dar el saltu a la NBA.

Primer fichaxe

El Círculo yá cuenta cola primer incorporación de cara a la temporada próxima. Trátase del ala-pívot suecu Henrik Jädersten, de 2,11 metros, que vien de xugar na lliga universitaria estauxunidense colos Santa Clara Broncos, sétimos clasificaos na conferencia West Coast con 16 victories y 15 derrotes, onde promedió 3,5 puntos y 2,1 rebotes per partíu en 12,7 minutos de xuegu.

"Carauterízase por ser un xugador trabáu y con capacidá d'intimidación baxo l'aru. En cuanto al ataque ye un xugador polivalente y con un bon tiru esterior", apunten dende'l club.

Los que nun van siguir son Saúl Blanco, el meyor xugador de la temporada pasada, que va probar fortuna nel Gries Oberhoffenn de la segunda francesa, y l'ex NBA Robert Switf, con ufiertes n'Alemaña y n'otros países.

Na semeya, Jädersten bota'l balón nuna aición d'ataque nun partíu colos Broncos d'esta temporada contra Saint Mary's Gaels.

 

Contador Estadistiques