Convóquense dos beques de formación especializada pa la Oficina de Normalización

|

El plazu fina'l llunes 22 d'ochobre.

Les beques empobínense a facilitar la formación especializao de persones con titulación de grau, llicenciatura o diplomatura universitaria de delles especialidaes, en materies rellacionaes cola cultura y la llingua asturiana, promoviendo la participación de les persones beneficiaries nos llabores formativos de la Oficina de Normalización Llingüística. Dambes tienen un llargor de doce meses (30 hores selmanales), con incorporación pal mes qu'entra.

Les persones interesaes han apurrir la solicitú y la documentación que s’esplicita nes bases na Fundación Municipal de Cultura, Educación y Universidá Popular (cai Xovellanos númberu 21 n’horariu de 9 a 14 hores) o na Rede Municipal d’Oficines d’Atención a la Ciudadanía del Conceyu de Xixón, amás de nos llugares conseñaos nel artículu 16.4 de la Llei 39/2015, de 1 d’ochobre de Procedimientu Alministrativu Común de les Alministraciones Públiques (BOE 2/10/2015). Pue acceder a les bases y a los formularios calcando nesti enllaz.

Contador Estadistiques