Conciertu del harpista Fred Bougouin

Va tar acompañau polos músicos asturianos Xuxo Xmith, Pedro. P. Sanjurjo, David Varela, y Dani García de la Cuesta.

Esti vienres 20, a les 20:30 hores nel local de Sestaferia Centru Social (c/ Joaquín Alonso Bonet, Xixón) conciertu del harpista Fred Bougouin.  Va tar acompañáu nel escenariu polos músicos asturianos Xuxo Xmith, Pedro. P. Sanjurjo, David Varela, y Dani García de la Cuesta.

Fred Bougouin nació en Poitiers en 1967 y entama los sos estudios d'arpa a los 6 años, averándose bien llueu al usu de l'arpa céltica, y al gustu pola composición, les igües y la música electroacústica. Dende entós, participa en delles formaciones y collabora con otros arpistes, interpretando estremaos estilos musicales:  medievales, renacentistess, reggae, pop-rock, sudamericanes, y sobre too, céltiques. Con más de 1.000 conciertos n'Europa, dio-y una nueva visión al usu del instrumentu.