Celébrase AGROPEC esti fin de selmana

|
AGROPEC inaguración 230916

El Recintu Ferial Luis Adaro acueye dende esti vienres al domingu una edición nueva d'AGROPEC, la feria dedicada al campu asturianu. El Gobiernu va aprovechar esti certame pa promocionar la marca 'Alimentos del Paraíso Natural', que yá utilicen 42 operadores.

"El stand del Principáu d'Asturies esti añu céntrase na marca de calidá 'Alimentos del Paraíso Natural', col so logu nuevu, que ta a disposición de tolos productores asturianos que deseen facer usu d'ella como elementu diferenciador ", esplicó María Jesús Álvarez na inauguración de la Feria del Campo y de las Industrias Agrícolas, Ganaderas, Forestales y Pesqueras (AGROPEC). La conseyera de Desarrollu Rural y Recuros Naturales especificó qu'anguaño son 42 los operadores que lo utilicen, siendo los últimos en sumase los productores d'arándanos.

L'horariu d'AGROPEC va ser de 11 a 20.30 hores, adelantándose'l sábadu y el domingu a les 10 hores con motivu de dellos concursos ganaderos. La entrada pal públicu ye de 2 euros, que permiten visitar los stands y esposiciones d'animales, y presenciar les munches actividaes previstes pa estos trés díes, ente elles el concursu estatal de raza frisona o'l morfolóxicu de caballu asturcón.

Nesti enllaz pue consultase'l programa completu d'AGROPEC.

Protestes de veterinarios

La  inauguración oficial, nel que participó Álvarez xunto a Félix Baragaño, Cámara de Comercio, Industria y Navegación de Gijón, y otres autoridaes, tuvo marcada pola protesta na puerta del recintu ferial de los trabayadores de la empresa Tragsatec pol despidu de 18 veterinarios n'Asturies. La conseyería tien contratada con esta firma, filial de la pública Tragsa, los servicios de saniamientu ganaderu.

Contador Estadistiques