Barbón foi'l candidatu más votáu en Xixón a les Nacionales del 26-M

|
Adrián Barbón, José Luis Ábalos, Ana González y Adriana Lastra Plan de Víes.

El socialista algamó un 34,56 por cientu de los votos, dalgo menos que nel conxuntu del país, onde la FSA rexistró un 35,24 por cientu.

Col 99,09 por cientu escrutáu, la candidatura d'Adrián Barbón supera los 46.000 votos, polos 19.000 de Ciudadanos, segunda fuercia nel conceyu con un 14,22 por cientu. Podemos algamó 17.000 (12,77 por cientu) y Foro cerca d'esa mesma cifra (12,56 por cientu).

El PP, segundu partíu más votáu n'Asturies, sufre al igual que nes municipales una perda importante en Xixón. Pasa del 15,88 por cientu d'hai cuatro años a un 11,08 por cientu, con dalgo menos de 15.000 votos.

VOX suma 9.000 votos (7,09 por cientu), mentes qu'Asturies pela Izquierda, la coalición d'Izquierda Xunida (IX) y Izquierda Asturiana (IAS), rexistra casi 7.000 (5,11 por cientu). Andecha Astur, única formación asturiana en presentase en solitariu, xunto con Foro, vive un aumentu d'una 100 votos p'averase a los 400 (0,28 por cientu).

Na semeya, Barbón xunto col ministru José Luis Ábalos, la futura alcaldesa Ana González y Adriana Lastra mientres una visita a Xixón en campaña eleutoral a los terrenos del Plan de Víes.

Contador Estadistiques