Amaral va poner el ramu a la sétima edición de Metrópoli

|
Amaral

El festival qu’axunta música y ociu nel Recintu Ferial Luis Adaro, Metrópoli, dio anuncia de parte de la programación de la sétima edición, que va celebrase del 26 de xunu al 5 de xunetu. Amaral va encargase de poner el ramu a esta cita destacada del branu nel que tamién tán confirmaos El Barrio o Marlon, ente otros artistes.

El raperu Dellafuente va ser el primeru n’ocupar l’escenariu central de Metrópoli, pol que pasarán otros nueve cantantes o bandes. De momento conócense cuatro d’ellos: Marlon (llunes 29), El Barrio (miércoles 1), Natos y Waor (xueves 2) y Amaral (domingu 5).

Los aragoneses son el cabeza de cartelu d’esta edición. Mägo de Oz, qu’anunciara fecha pa Xixón pal martes 30 de xunu, sería otra de les actuaciones estrelles de Metrópoli nel casu de confirmase definitivamente.

Otra manera, nel escenariu secundariu van tocar La Regadera (domingu 28) y Té Canela (miércoles 1).

Contador Estadistiques