Ghost, el musical
13 Agostu, 2023
Esti musical basáu na película 'Ghost' ye un rellatu d'amor eternu protagonizáu por Sam y Molly, una pareya de namoraos que ve torgada la so felicidá cuando un lladrón lu asesina. L'espíritu de Sam resistiráse a abandonar el mundu de los vivos y al so gran amor.
La necesidá de salvar la vida de Molly fai qu'él permaneza en forma de pantasma p'alverti-y del peligru que cuerre. El so único medio de contautu ye una peculiar vidente cola que pue comunicase.
El repartu, compuestu por un total de 17 artistes, ta protagonizáu por Bustamante, nel papel de Sam. Ana Dachs, Christian Sánchez y Ela Ruiz van interpretar a Molly, Carl y Oda Mae, de manera respeutiva.
L'espectáculu, que recibió'l Premio Broadway World Spain 2020 al Meyor Musical, ye una producción orixinal dirixida por Federico Bellone qu'apuerta esti branu a Xixón.
Hora: 18h
Preciu: de 34 a 60 euros
Sitiu:
Teatru Xovellanos
Localidá:
Xixón
Tipu d'eventu:
Música
