Eco-visionarios

24 Mayu, 2019
hasta el: 
26 Ochobre, 2019
Eco-visionarios

Esposición que presenta doce posiciones artístiques d'ámbitu estatal y internacional.

Éstes esploren les conexones nueves ente la biosfera y la teunoesfera, ésta última marcada pola presencia imperiosa del ser humanu nun planeta de recursos llendaos. Son precisamente estes rellaciones les que l'amuesa pon a alderique, al traviés d'una seleición de plantegamientos estéticos y conceptuales, narratives utópiques y contra-modelos ecosistémicos pa compartir con un públicu ampliu, tamién al traviés d'un programa educativu y de mediación a lo llargo de cinco meses.

'Eco-visionarios' ye un proyeutu espositivu internacional, entamáu de forma conxunta pol Bildmuseet de Umeå (Suecia), House of Electronic Arts (HeK) de Basel (Suiza), MAAT- Museo de Arte y Arquitectura de Lisboa (Portugal) y LABoral Centru d'Arte y Creación Industrial de Xixón. Concebíu como un 'work in progress', a esti proyeutu tamién se sumaron con contribuciones nueves Matadero Madrid y la Royal Academy of Arts de Londres (Inglaterra) pa facese ecu de los retos medioambientales nuevos abordaos dende les práutiques artístiques contemporánees más tresversales.
Hora: M, X y V, de 10 a 19h. S, de 12 a 19h

Sitiu: 
Laboral Centro de Arte y Creación Industrial
Localidá: 
Xixón
Tipu d'eventu: 
Esposiciones
Contador Estadistiques