Los talleres n’asturianu tornen esti branu centraos nel arte y nel teatru

L’actividaes de branu entamaes pol Conceyu tornen a incorporar cuatro talleres n’asturianu, trés en xunetu y ún n’agostu. Van desendolcase na Escuela de Comerciu y nel tendeyón del Muséu del Pueblu d’Asturies y tán destinaos a neñes y neños de 4 a 12 años.

‘¡Qué arte tienes!’ ye’l primeru que va tener llugar, del 5 al 9 de xunetu de 11.30 a 13.30 hores. Los participantes, de 7 a 9 años, van estimular los sentíos “pa conocer el mundu y la nuestra tradición al traviés de la danza, p’averanos a la música y la fabricación artesanal d’instrumentos, pa trabayar col arcu la vieya y la mitoloxía dende un puntu de vista metafóricu, pa pasalo bien y pintar muncho en too esto, pa disfrutar y deprender con dellos xuegos cooperativos, pa enanchar el maxín con cuentacuentos, y a la fin, pa xestionar meyor la creatividá y les nuestres emociones”.

La selmana siguiente esi mesmu taller va enfocase a neños más pequeños, de 4 a 6. Entrambos casos el preciu pa participar ye de 10 euros, con una llende de 8 y 10 places, de manera respeutiva.

El 26 de xunetu va principiar el de ‘A subir (el nuestru) telón’, destináu al tramu d’edá de 6 a 9 años. Nesti casu, en cinco sesiones, los asistentes van poder conoces les sos habilidaes actorales, con xuegos y dinámiques pa trabayar “cola voz, el cuerpu, la escucha, el ritmu y la improvisación”.

El segundu turnu del taller va ser pa neñes y neños de 10 a 12 años y va pasar al Muséu del Pueblu d’Asturies. El so preciu ye tamién de 10 euros, con 10 places nesti casu pa les dos grupos.

Dende’l día 21

La matrícula pa los cursos va abrise’l 21 de mayu a les 8.30 hores. Les inscripciones van dir tramitándose per orde hasta cubrir toles places ufiertaes.