Les actividaes de branu de Xixón ufren namái un taller en llingua asturiana

Ente les decenes d’actividaes de branu qu’entama’l Conceyu namái hai un taller en llingua asturiana. Ye ‘¡Ello yera una vez! ¡Cuentos con munchu arte!’, que se va celebrar en dos turnos, en xunetu y n’agostu, cola collaboración d’Aladanza, y yá tien abierta la matrícula.

En total son más de 450 les actividaes, de baldre y de pagu, dirixíes a un públicu infantil, xuvenil y adultu, munches de práutica deportiva. Na estaya ‘Cultura Divertida’ encuádrense los talleres en llingua asturiana, qu’esti añu redúcense a ún en dos sesiones polos dos del añu pasáu dividíos en cuatro turnos.

‘¡Ello yera una vez! ¡Cuentos con munchu arte!’ ta empobináu a neñes y neños de 4 a 6 años y trabaya’l movimientu, la sensorialidá y la creatividá al traviés de la literatura, la pintura, la danza y la música. Va desendolcase na Escuela de Comerciu del 11 al 15 de xunetu y del 16 al 19 d’agostu n’horariu de 11 a 13 hores.

La inscripción nos dos turnos yá ta abierta, con un preciu de 10 euros. Ye posible formalizar la matrícula nesti enllaz.

Ésti ye'l folletu con toles actividaes del branu en Xixón.